"Şeffild Yunayted" İngiltərə Premyer Liqasında antirekorda imza atıb

"Şeffild Yunayted" klubu İngiltərə Premyer Liqasında antirekorda imza atıb.

"QELEBE.AZ" xəbər verir ki, komanda cari mövsüm qapısında 92-ci qolu görməklə sona 4 tur qalmış ən pis göstəriciyə malikdir.

Əvvəlki antirekord 2007/2008 mövsümünə təsadüf edir. Həmin vaxt "Derbi" klubu 38 turdan ibarət çempionatda 89 qol buraxıb.

42 turdan ibarət 1993/1994 mövsümündə isə "Suindon Taun" 100 qolluq antirekordun sahibidir.

Qeyd edək ki, “Şeffild Yunayted” 34 oyundan sonra 16 xal toplayıb və turnir cədvəlinin sonuncu pilləsində qərarlaşıb.