Acun Ilıcalının sahibi olduğu klubun baş məşqçisi qovulub

Türkiyəli iş adamı Acun Ilıcalının sahibi olduğu İngiltərənin Çempionşip təmsilçisi "Hall Siti" baş məşqçisi Liam Rosenyorla yollarını ayırıb.

"Report" "Hull Live"yə istinadən xəbər verir ki, son olaraq 46-cı turda "Plimut"a səfərdə məğlub olan (0:1) "pələnglər" 39 yaşlı mütəxəssisi istefaya göndəriblər.

Mövsümü 70 xalla 7-ci pillədə başa vuran komanda pley-offdan kənarda qalıb.

Qeyd edək ki, L.Rosenyor 2022-ci ildən "Hall Siti"yə başçılıq edirdi.