Azərbaycan güləşçisi "BRICS Sports Games Kazan 2024"də qızıl medal qazanıb

Azərbaycanın yunan-Roma güləşçisi Tatarıstanın paytaxtı Kazanda keçirilən "BRICS Sports Games Kazan 2024" beynəlxalq multi-idman oyunlarında qızıl medal qazanıb.

"Report" xəbər verir ki, Arif Niftullayev (97 kq) bütün rəqiblərini üstələyərək, fəxri kürsünün ən yüksək pilləsinə qalxıb.

Qeyd edək ki, daha əvvəl digər təmsilçilərimizdən Tuncay Vəzirzadə (82 kq), Məhəmməd Əhmədiyev (97 kq) və Sərxan Məmmədov (130 kq) yarışın bürünc medalına sahib çıxıb.