Millətlər Liqası: Azərbaycan yığması Slovakiya ilə səfər oyununda dəstəksiz qalmayacaq

Azərbaycan yığması Slovakiya ilə səfərdə baş tutacaq Millətlər Liqasının oyununda dəstəksiz qalmayacaq.

Bu barədə “Report”a AFFA-nın mətbuat xidmətinin rəhbəri Elnur Məmmədli məlumat verib.

Koşitsedə reallaşacaq görüşdə təxminən 40-50 azərbaycanlı azarkeş olacaq. Azərbaycanın Slovakiyadakı səfiri Vüsal Abdullayevin də millini stadiondan dəstəkləyəcəyi gözlənilir.

Qeyd edək ki, sentyabrın 8-də Koşitse şəhərindəki “Koşitse Futbol Arenası”nda keçiriləcək Slovakiya - Azərbaycan matçının start fiti Bakı vaxtı ilə saat 20:00-da səsləndiriləcək. Yığmamız Millətlər Liqasının C Liqasının I qrupunun ilk görüşündə, Tofiq Bəhramov adına Respublika stadionunda İsveçə 1:3 hesabı ilə uduzub.