Əfsanəvi idmançı 84 yaşında vəfat edib

Amerikalı əfsanəvi beysbolçu Pit Rouz 84 yaşında vəfat edib.

"Report" "ABC News"a istinadən xəbər verir ki, o dünyasını dəyişən zaman həkim nəzarətində olmayıb və nəşini ailə üzvlərindən biri aşkarlayıb.

Bu səbəbdən sabiq idmançının ölüm səbəbi bəlli deyil.

Qeyd edək ki, P.Rouz 1963-1986-cı illərdə "Major League Baseball"da çıxış edib. O, üç dəfə çempionluq sevinci yaşayıb, bu liqanın və dünya seriyasının ən dəyərli beysbolçusu seçilib. P.Rouz oyun sayına (3562) görə də rekordçudur.