"Mançester Siti"nin Holannla müqavilə ilə bağlı danışıqları dalana dirənib

İngiltərənin "Mançester Siti" klubunun norveçli hücumçu Erlinq Holannla müqavilə müddətinin uzadılması ilə bağlı danışıqları dalana dirənib.

"QELEBE.AZ" xəbər verir ki, bu barədə "TEAMtalk" məlumat yayıb.

Mənbənin sözlərinə görə, tərəflər 24 yaşlı futbolçunun müqaviləsindəki təzminatın məbləği ilə bağlı razılığa gələ bilmirlər. Holann sərbəst qalma məbləğinin 100 milyon funt sterlinq olmasını istəyir. Klub rəhbərliyi isə bu məbləği çox kiçik hesab edir.

Tərəflər arasında danışıqların yaxın həftələrdə də davam etdiriləcəyi gözlənilir.

Qeyd edək ki, Erlinq Holannın "Mançester Siti" ilə müqaviləsinin müddəti 2027-ci ilin yayında başa çatacaq.