"Sabah"ın kapitanı 3 həftə yaşıl meydanlardan kənarda qalacaq
https://mail.qalaba.az//uploads/photo/sabahin-kapitani-3-hefte-yashil-meydanlardan-kenarda-qalacaq.webp
Azərbaycan millisinin heyətindən kənarlaşdırılan "Sabah" klubunun kapitanı Elvin Camalov təxminən 3 həftə yaşıl meydanlardan kənarda qalacaq.
Bu barədə "QELEBE.AZ"a klubun mətbuat katibi Elnir Həmidov məlumat verib.
29 yaşlı yarımmüdafiəçi Azərbaycan Premyer Liqasının IX turunda "Araz-Naxçıvan"la oyunda (1:1) zədələnib. Onun dirsəyində sınıq aşkarlansa da, əməliyyata ehtiyac olmayacaq.
Qeyd edək ki, Elvin Camalovun əvəzinə milli komandaya Vadim Abdullayev dəvət edilib.
