Azərbaycanı Xorvatiyadakı turnirdə təmsil edəcək gimnastlar müəyyənləşib

Azərbaycanı Xorvatiyanın Zaqreb şəhərində keçiriləcək bədii gimnastika üzrə “Aura Cup” beynəlxalq turnirində təmsil edəcək gimnastlar müəyyənləşib.

Gimnastika Federasiyasından "Report"a verilən məlumata görə, turnirdə məşqçi Aysel Həsənovanın rəhbərliyi altında Sofiya Məmmədova (gənclər) və ⁠Nur Sadıqova (yeniyetmələr) iştirak edəcək.

Vəfa Bəkərova isə hakim kimi fəaliyyət göstərəcək.

Qeyd edək ki, "Aura Cup" oktyabrın 10-dan 13-nə qədər keçiriləcək.