Dünya çempionatı: Azərbaycan millisinin üçüncü yer uğrunda oyunda qarşılaşacağı rəqib müəyyənləşib

Azərbaycanın minifutbol üzrə U-23 millisinin Xorvatiyanın Malıy Loşin şəhərində təşkil olunan dünya çempionatında üçüncü yer uğrunda oyunda qarşılaşacağı rəqib müəyyənləşib.

“Report” xəbər verir ki, Rəcəb Fərəczadənin rəhbərlik etdiyi komanda Serbiyanın müvafiq yaş qrupundan ibarət yığması ilə üz-üzə gələcək.

Görüş bu gün saat 1730-da keçiriləcək.

Qeyd edək ki, Azərbaycan millisi yarımfinalda Çexiyaya 3:4 hesabı ilə uduzub. Rəcəb Fərəczadənin rəhbərlik etdiyi kollektiv 1/4 finalda İngiltərədən (3:0) güclü olub. Yığma qrupda Hindistan seçməsini 16 cavabsız qolla üstələsə də, Serbiyaya (1:5) və Çexiyaya (0:2) uduzub.