“Mançester Siti” ardıcıl dördüncü dəfə məğlub olub

“Mançester Siti” ardıcıl dördüncü dəfə məğlub olub

İngiltərə Premyer Liqasının 11-ci turu çərçivəsində “Brayton” “Mançester Siti”ni qəbul edib.

“Report” xəbər verir ki, baş hakim Semuel Berrottun idarə etdiyi matç Falmer Stadionunda baş tutub.

Oyuna, gözlənildiyi kimi, “şəhərlilər” daha fəal başlayıb. Təzyiqi artıran qonaqlar 23-cü dəqiqədə istəklərinə çatıblar: Erlinq Holann ikinci cəhddən topu niderlandlı qapıçı Bart Verbrüggenin qoruduğu qapının çərçivəsindən keçirib. Qoldan sonra “qağayılar”lar təşəbbüsü ələ keçirməyə çalışsalar da, braziliyalı qapıçı Ederson Moraes qapısını toxunulmaz saxlaya bilib. Birinci hissə Xosep Qvardiolanın yetirmələrinin minimal üstünlüyü ilə başa çatıb.

İkinci hissənin əvvəlində isə ev sahibləri daha təhlükəli olublar. 52-ci dəqiqədə yarımmüdafiəçi Cek Hinşelvudun başla zərbəsini Ederson dəf edib. 69-cu dəqiqədə “Brayton”un növbəti hücumlarının birində Juan Pedro qapıçı Edersonla üz-üzə qalsa da, zərbəsi dəqiq olmayıb. Uğursuz hücumlara baxmayaraq, 78-ci dəqiqədə Fabian Hürtselerin yetirmələri status-kvonu bərpa ediblər: Juan Pedro cərimə meydançasında yaranmış qarışıqlıqda maksimum yararlanıb. Oyuna nəzarəti itirən “şəhərlilər” cəmi 5 dəqiqə sonra hesabda geri düşüblər: Premyer Liqada debüt oyununa çıxan danimarkalı Mett O’Rayli dəqiq zərbə ilə özünün ilk, komandasının isə qələbə qoluna imza atıb – 2:1.

Beləliklə, bu, “Mançester Siti”nin Premyer Liqada ardıcıl ikinci, bütün turnirlərdə isə ardıcıl dördüncü məğlubiyyəti oldu.

Bu qələbə ilə “Brayton” turnir cədvəlində dördüncü pilləyə yüksəlib. Komandanın aktivində 19 xal var. Onun ən yaxın təqibçiləri “Çelsi” (18 xal) və “Arsenal”dır (18). “Mançester Siti” isə 23 xalla ikinci pillədə qalıb. Ehtiyatında bir oyun olan “Nottingem Forest” isə 19 xalla üçüncü pillədə qərarlaşıb. Turnir cədvəlinə Arne Slotun çalışdırdığı “Liverpul” başçılıq edir.

Qeyd edək ki, günün digər qarşılaşmalarında “Brentford” evdə “Bornmut”a qalib gəlib – 3:2, autsayderlərin – “Vulverhempton” və “Sauthempton”un dueli birincilərin inamlı qələbəsi ilə başa çatıb – 2:0, “Vest Hem” və “Everton” “sülhə” razılaşıb – 0:0, “Kristal Pelas” – “Fulhem” oyunu isə qonaqların iki cavabsız qolu ilə bitib.

Günə Mersisaydda “Liverpul” – “Aston Villa” qarşılaşması ilə yekun vurulacaq.

Turun mərkəzi matçı sabah baş tutacaq: London derbisində “Çelsi” “Arsenal”la münasibətlərinə aydınlıq gətirəcək.

Futbol
Azərbaycan futbolunun inkişafı ilə bağlı 4 təklif irəli sürülüb

Azərbaycan futbolunun inkişafı ilə bağlı 4 təklif irəli sürülüb

Futbol
Avropa Liqası: "Qarabağ"ın qapıçısının qurtarışı ən yaxşılardan sayılıb

Avropa Liqası: "Qarabağ"ın qapıçısının qurtarışı ən yaxşılardan sayılıb

Futbol
“Şamaxı” klubu daha bir futbolçu ilə müqaviləni yeniləyib

“Şamaxı” klubu daha bir futbolçu ilə müqaviləni yeniləyib

Futbol
“Qalatasaray” səfərdə “Başakşehir”ə 7-0 qalib gəlib

“Qalatasaray” səfərdə “Başakşehir”ə 7-0 qalib gəlib

Futbol
"Neftçi"nin baş məşqçisi hakimə tüpürdüyü üçün cəzalanıb

"Neftçi"nin baş məşqçisi hakimə tüpürdüyü üçün cəzalanıb

Futbol
Kadinin Rusiya klubuna keçidi baş tutmaya bilər

Kadinin Rusiya klubuna keçidi baş tutmaya bilər

Futbol
“Barselona” “Real Madrid”i məğlub edərək İspaniya Superkubokunun qalibi olub

“Barselona” “Real Madrid”i məğlub edərək İspaniya Superkubokunun qalibi olub

Futbol
Yurgen Klopp "Liverpul"un sükanı arxasında yubiley oyununa çıxıb

Yurgen Klopp "Liverpul"un sükanı arxasında yubiley oyununa çıxıb

Futbol
Çempionlar Liqası: “Araz-Naxçıvan” son görüşünə çıxacaq

Çempionlar Liqası: “Araz-Naxçıvan” son görüşünə çıxacaq

Futbol
Sergey Kleşenko: "Azərbaycan millisinin bizdən güclü və ya zəif olduğunu sabahkı oyun göstərəcək"

Sergey Kleşenko: "Azərbaycan millisinin bizdən güclü və ya zəif olduğunu sabahkı oyun göstərəcək"

Futbol
Əliyar Ağayevin atası: "O, çox tələbkar olmalıdır ki, yaxşı təyinatlar alsın"

Əliyar Ağayevin atası: "O, çox tələbkar olmalıdır ki, yaxşı təyinatlar alsın"

Futbol
Məhəmməd Salah Dalqlişin uğurunu təkrarlayıb

Məhəmməd Salah Dalqlişin uğurunu təkrarlayıb