Azər Bağırov: "Uşaqları matça yaxşı kökləmişdik"

Uşaqları matça yaxşı kökləmişdik.

"Report" xəbər verir ki, bunu "Kəpəz" klubunun baş məşqçisi Azər Bağırov Misli Premyer Liqasının XIX turunda "Turan Tovuz" üzərində 5:2 hesablı qələbə qazandıqları matçdan sonra deyib.

Mütəxəssis oyunun sonuna qədər mübarizə apardıqlarını vurğulayıb:

"Əvvəlcə 20 Yanvar faciəsi ilə bağlı şəhidlərimizə Allahdan rəhmət diləyirəm. Xırda anlaşmazlığa görə də Tovuz azarkeşlərindən üzr istəyirəm. Futbolda belə şeylər hərdən baş verir. Fanatlar var olsunlar. Oyunlar azarkeşlər ilə gözəldi. Çətin qarşılaşma oldu. Rəqibin əsas müdafiəçilərinin olmaması bizim üstünlüyümüz idi. Uşaqları matça yaxşı kökləmişdik. Şükürlər olsun ki, görüşün sonuna kimi mübarizə apara-apara qalib gəldik. Futbolçular meydançada istədiklərimizi həyata keçirə bildilər. Onları təbrik edirəm. Gəncədən təşrif buyuran öz azarkeşlərimizə də minnətdaram. Qələbədə payları var".

Qeyd edək ki, Gəncə təmsilçisi hazırda turnir cədvəlində 14 xalla doqquzuncu yerdədir.