Azərbaycanın sərbəst güləşçiləri Serbiyada Gimnaziadanı 10 medalla başa vurublar

Azərbaycanın sərbəst güləşçiləri Serbiyanın Zlatibor şəhərində keçirilən Gimnaziadanı 10 medalla başa vurublar.

"QELEBE.AZ" xəbər verir ki, oyunlara məşqçilər Namiq Quliyev və Elşad Allahverdiyevin rəhbərliyi altında yollanan komandanın bütün üzvləri fəxri kürsüyə qalxıb.

Təmsilçilərimiz Serbiyada 2 qızıl, 3 gümüş və 5 bürünc medal qazanıblar.

Elman İsmayılovla (38 kq) İbrahim Həsənov (44 kq) bütün rəqiblərinə qalib gəliblər. Hüseyn Rzazadə (41 kq), Fərid Hüseynli (52 kq) və Məhəmməd Həsənli (62 kq) yalnız finalda məğlub olublar.

Tamerlan Namazlı (48 kq), Elcan Həsənov (57 kq), Xəyal Şükürlü (68 kq), Elvin Necəfzadə (75 kq) və Tural Eynullayev (85 kq) isə üçüncü yeri tutub.

Sabah yunan-Roma güləşi üzrə mübarizə baş tutacaq.