Kipr Futbol Federasiyasının prezidenti korrupsiya iddiaları fonunda istefa verib

Kipr Futbol Federasiyasının (CFA) prezidenti Giorgos Koumas korrupsiya iddiaları və televiziya hüquqları üzərində potensial maraqların toqquşması ilə bağlı davam edən cinayət araşdırması fonunda istefa verdiyini açıqlayıb.

"Report" xəbər verir ki, bu barədə qurumun mətbuat xidməti məlumat yayıb.

Sabiq federasiya prezidenti vəzifəsindən ayrılmaq qərarını əvvəlcədən CFA İcraiyyə Komitəsinə bildirib. Onun istefasına artan ictimai təzyiq, eləcə də şəxsi mülahizələr səbəb olub.

Koumas vəzifəsindən getməsinə baxmayaraq, FIFA Şurasının və UEFA İcraiyyə Komitəsinin üzvü olaraq qalır.

Qeyd edək ki, G.Koumas 2018-ci ildən Kipr Futbol Federasiyasının prezidenti vəzifəsində çalışıb.