İngiltərə Premyer Liqası: “Liverpul” 2 top fərqlə “Brentford”a məğlub olub

İngiltərə Premyer Liqasının XIX turunun oyununda “Brentford” öz meydanında gözlənilmədən “Liverpul” üzərində inamlı qələbə qazanıb.

“QELEBE.AZ” xəbər verir ki, hakim Stüart Attuellin idarə etdiyi oyunda hesab 19-cu dəqiqədə açılıb.

Belə ki, “qırmızılar”ın heyətində İbrahima Konate öz qapısına qol vuraraq hesabı qonaqların xeyrinə dəyişib.

Birinci hissənin sonuna doğru Yoan Vissa “arılar”ın üstünlüyünü artırıb.

Fasilə bitdikdən sonra Mersisayd komandasının yarımmüdafiəçisi Aleks Oksleyd-Çemberlen tablodakı fərqi azaltmağı bacarıb. Belə ki, Trent Aleksander-Arnold topu sağdan cərimə meydançasının mərkəzinə qaldırıb, burada Oksleyd-Çemberlen mövqe qazanaraq topu yaxın məsafədən qapının sol küncünə göndərib.

Əsas vaxtın bitməsinə 6 dəqiqə qalmış ev sahibləri “qırmızılar”ı növbəti dəfə məyus edib. Brayan Mbemo oyunda son qola imza ataraq yekun hesabı müəyyənləşdirib – 3:1.