Azərbaycanın fiqurlu konkisürəni viza probleminə görə Avropa çempionatını buraxacaq
https://mail.qalaba.az//uploads/photo/azerbaycanin-fiqurlu-konkisureni-viza-problemine-gore-avropa-chempionatini-buraxacaq.webp
Azərbaycanın fiqurlu konkisürəni Vladimir Litvintsev Finlandiyanın Espoo şəhərində keçiriləcək Avropa çempionatını buraxacaq.
"QELEBE.AZ"un məlumatına görə, bu barədə TASS-a Azərbaycan Qış İdman Növləri Federasiyasının prezidenti Fuad Nağıyev açıqlama verib.
O bildirib ki, 22 yaşlı idmançı viza ala bilmədiyi üçün yarışa qatılmayacaq: "Finlandiyanın Azərbaycanda səfirliyi yoxdur. Viza almaq üçün Türkiyənin paytaxtı Ankaraya uçmalı idi. Litvintsev isə hazırda dünya çempionatına hazırlaşır".
Qeyd edək ki, rusiyalı fiqurlu konkisürən Azərbaycan yığmasının heyətində 2018-ci ildə Minskdə keçirilmiş Avropa çempionatında debüt edib. O, Pekin-2022 Qış Olimpiya Oyunlarında 18-ci yeri tutub.
