Murad Musayev: "Heç bir komanda güzəştə getmək istəmirdi"

Murad Musayev: "Heç bir komanda güzəştə getmək istəmirdi"

"Çətin oyun alındı, ikili mübarizələr çox oldu. Heç bir komanda güzəştə getmək istəmirdi. Şadam ki, 90 dəqiqə dayanmadan mübarizə apardıq və ikinci hissədə vurduğumuz qollarla vacib qələbə qazandıq".

"QELEBE.AZ"un məlumatına görə, bunu "Sabah"ın baş məşqçisi Murad Musayev səfərdə "Qəbələ"yə 3:0 hesabı ilə qalib gəldikləri Azərbaycan Premyer Liqasının XX tur oyunundan sonra mətbuat konfransında deyib.

Rusiyalı mütəxəssis bildirib ki, kapitan Elvin Camalovla Amin Seydiyevin fasilədə əvəzlənməsi onların ikinci sarı vərəqəni almamaları üçün atılmış addım idi: "Qorxdum ki, meydandan qovularlar. Yəni, bu, onların çıxışı ilə bağlı deyildi".

Musayev zədədən sonra sıraya qayıdan Zurab Oçiqava və Namik Ələskərovun durumunu da dəyərləndirib: "Zurab 6 ay zədə üzündən oynamadı. Təlim-məşq toplanışında yoxlama matçlarında demək olar ki, meydana çıxmadı. 100 faiz hazır olduqdan sonra ona şans verə bilərəm. Amma onun mövqeyində çox güclü rəqabət var. Namikə gəlincə, dekabrda əməliyyat olundu və toplanış vaxtı yoxlama görüşlərində oynamadı. Son həftələrdə əvvəlki Namiki görməyə başlamışam".

40 yaşlı mütəxəssis "Qarabağ"la çempionluq mübarizəsinə tam hazır olmadıqlarını etiraf edib: "Başa düşürəm, jurnalistlər çempionatda intriqa istəyir. Amma nəzərə alaq ki, "Qarabağ" formalaşmış köklü klubdur. Biz isə gənc komandayıq. Hazırda liderdən 7 xal geri qalırıq. Söz verib onu etməmək düzgün deyil. Sadəcə, onu deyim ki, əlimizdən nə gəlirsə, edəcəyik. Ən yaxın izləyicimiz olan "Neftçi" də yaxşı transferlər edib. Əminəm ki, yenidən ayağa qalxacaqlar. Çox ciddi klubdur".

O, əsas hədəflərinin avrokuboklara vəsiqə qazanmaq olduğunu söyləyib: "Qarşıda hələ 16 tur var. Rahatlaşa bilmərik. Çempionatı ikinci pillədə bitirsək, bu, bizim üçün uğur sayıla bilər".

Musayev zədəsini sağaldan Abdulaye Banın sıraya dönməsindən sonra müdafiə xəttində yaranacaq rəqabətdən də söz açıb: "Ba zədə səbəbindən toplanışın çox hissəsini buraxdı. Sabahdan komanda ilə məşqlərə qoşulacaq. Bəxtiyar Həsənalızadə isə son iki matçda çox yaxşı oynayıb. Hazırda nəsə demək çox çətindir. Ba sıraya qayıtdıqdan sonra fikir bildirmək olar".

Baş məşqçi indidən XXII turda "Qarabağ"a qarşı keçirəcəkləri matçı düşünməyin doğru olmadığını vurğulayıb: "Dediyim kimi, rəqib güclü komandadır. İki dəfə bizi məğlub ediblər".

Futbol
“Qarabağ”ın dünya reytinqində yeri açıqlanıb

“Qarabağ”ın dünya reytinqində yeri açıqlanıb

Futbol
Modriç millidə oynamağa davam edəcəyini bildirib

Modriç millidə oynamağa davam edəcəyini bildirib

Futbol
Avropa Liqasında həftənin ən yaxşı oyunçusu adına namizədlər bəlli olub

Avropa Liqasında həftənin ən yaxşı oyunçusu adına namizədlər bəlli olub

Futbol
"Araz-Naxçıvan"ın daha bir rəqibi müəyyənləşib

"Araz-Naxçıvan"ın daha bir rəqibi müəyyənləşib

Futbol
Bu gün Avropa Liqasında qrup mərhələsinə start veriləcək

Bu gün Avropa Liqasında qrup mərhələsinə start veriləcək

Futbol
"Real Madrid" Ukraynaya 1 milyon avrodan çox ianə edib

"Real Madrid" Ukraynaya 1 milyon avrodan çox ianə edib

Futbol
Xavi Zidanın rekordunu geridə qoyub

Xavi Zidanın rekordunu geridə qoyub

Futbol
Fatih Terim “Golden Foot” mükafatına layiq görülüb

Fatih Terim “Golden Foot” mükafatına layiq görülüb

Futbol
DÇ-2022 Messinin sonuncu mundialı olacaq

DÇ-2022 Messinin sonuncu mundialı olacaq

Futbol
Silahlı şəxslər "Real Madrid"in futbolçusunun evinə girib

Silahlı şəxslər "Real Madrid"in futbolçusunun evinə girib

Futbol
Braziliya klubu Peleyə görə loqosunu dəyişir

Braziliya klubu Peleyə görə loqosunu dəyişir

Futbol
“Turan Tovuz” qış toplanışını Türkiyədə keçirəcək

“Turan Tovuz” qış toplanışını Türkiyədə keçirəcək