“Lans” baş məşqçisini istefaya göndərdi

Fransanın “Lans” klubu baş məşqçisi Yannik Kauzakla yollarını ayırıb.

Apasport.az xəbər verir ki, Liqa 1 təmsilçisi uğursuz nəticələr səbəbindən mütəxəssisi istefaya göndərib.

Sentyabrın 15-də baş məşqçi təyin olunan Kauzak bundan əvvəl yaydan etibarən klubda köməkçi məşqçi kimi çalışıb.

Onun rəhbərliyi altında “Lans” 9 oyun keçirib. Komanda bu görüşlərin 3-də qələbə qazanıb, 6-da isə məğlub olub.

Qeyd edək ki, “Lans” Fransa Liqa 1-də 10 turdan sonra 13 xalla 11-ci pillədə qərarlaşıb.