İspaniya La Liqasında ən çox oyun keçirən baş məşqçilər bəlli olub
https://mail.qalaba.az//uploads/photo/ispaniya-la-liqasinda-en-chox-oyun-kechiren-bash-meshqchiler-belli-olub.webp
Beynəlxalq Futbol Tarixi və Statistikaları Federasiyası (IFFHS) İspaniya La Liqasında ən çox oyun keçirən baş məşqçilərin adlarını açıqlayıb.
“QELEBE.AZ” qurumun saytına istinadən xəbər verir ki, siyahıya Dieqo Simeone başçılıq edir.
Hazırda Madrid "Atletiko"suna rəhbərlik edən argentinalı mütəxəssis 2011-ci ildən bəri komandanı ölkə çempionatında 426 oyuna çıxarıb. O, bütün rəsmi görüşlərdə isə “Atletiko”ya 613 qarşılaşmada rəhbərlik edib ki, bu baxımdan da rekordçudur.
Simeonenin Madrid klubundakı fəaliyyətini davam etdirdiyini nəzərə alsaq, hər iki sahədə öz rekordunu daha da yaxşılaşdıracağını söyləmək olar.
| Məşqçi | Ölkəsi | Komandası | Müddət | Oyun sayı | |
| 1 | Dieqo Simeone | Argentina | “Atletiko” | 2011- | 426 |
| 2 | Migel Munyos | İspaniya | “Real Madrid” | 1959-1974 | 424 |
| 3 | Luis Araqones | İspaniya | “Atletiko” | 1974-2003 | 407 |
| 4 | Con Toşak | Uels | “Real Sosyedad” | 1985-2002 | 322 |
| 5 | Yohan Kroyff | Niderland | “Barselona” | 1988-1996 | 300 |
| 6 | Viktor Fernandes | İspaniya | “Saraqosa” | 1991-2020 | 276 |
| 7 | Xavyer İrureta | İspaniya | “Deportivo” | 1998-2005 | 266 |
