AFFA və ANAMA arasında Anlaşma Memorandumu imzalanıb

AFFA və ANAMA arasında Anlaşma Memorandumu imzalanıb

AFFA və Azərbaycan Minatəmizləmə Agentliyi (ANAMA) arasında Anlaşma Memorandumu imzalanıb.

“QELEBE.AZ”un məlumatına görə, Bakı Olimpiya Stadionunda təşkil olunan tədbirdə Anlaşma Memorandumunu milli assosiasiyanın baş katibi Sərxan Hacıyev və ANAMA-nın sədri Vüqar Süleymanov imzalayıblar.

Memorandum qarşıya qoyulan prioritet məqsədlərin həyata keçirilməsində tərəflərin əməkdaşlığını təmin etmək, mina təhlükəsinə dair maarifləndirmə sahəsində kütləviliyin artırılması üçün birgə tədbirlər həyata keçirmək, minadan zərərçəkmiş şəxslərin sosial inteqrasiyası üçün onların müxtəlif futbol yarışlarında, digər kütləvi idman tədbirlərində iştirakını dəstəkləmək kimi vacib məsələləri özündə ehtiva edir.

Sərxan Hacıyev AFFA ilə ANAMA arasında Anlaşma Memorandumunun imzalanmasının xüsusi əhəmiyyət kəsb edən məsələ olduğunu bildirib: “Təəssüf ki, Azərbaycan dünyada mina təhlükəsindən çox ciddi əziyyət çəkən ölkələrdən biridir. Bu səbəbdən mina partlayışı nəticəsində vətəndaşlarımızın həlak olması və ya ağır yaralanması halları ilə qarşılaşırıq. Düşünürəm ki, AFFA və ANAMA arasında əsasını qoyduğumuz tərəfdaşlıq mina partlayışları nəticəsində xəsarət almış şəxslərin futbol oyunlarının və turnirlərinin təşkili və sevimli idman növündən zövq almalarına zəmin yaradılması üzərimizə düşən məsuliyyətlərdən biridir”.

Memorandumda qeyd olunur ki, birgə əməkdaşlıq çərçivəsində oyunlar və turnirlər təşkil ediləcək, eləcə də, yarışlarda mina təhlükəsinə dair maarifləndirici çağırışların geniş şəkildə yayılması və ictimaiyyətə çatdırılması istiqamətində lazımi dəstək veriləcək. Habelə, mina təhlükəsinə dair maarifləndirmə və inklüziv futbol turnirlərinin (mina partlayışları nəticəsində xəsarət almış şəxslərin futbol oyunları və turnirləri) dəstəklənməsi məqsədilə əməkdaşlıq mexanizmlərinin yaradılması istiqamətində müvafiq tədbirlər görüləcək.

Vüqar Süleymanov bildirib ki, Azərbaycanın genişmiqyaslı mina problemi ilə üzləşdiyi bir zamanda ANAMA və AFFA arasında imzalanan Anlaşma Memorandumu istər Partlayıcı Sursatların Təhlükəsinə dair Maarifləndirmə, istərsə də mina və partlamamış hərbi sursatlardan zərərçəkən şəxslərin cəmiyyətə reinteqrasiyası baxımından böyük əhəmiyyətə malikdir: “Günümüzdə böyük bir kütlə tərəfindən sevilən və izlənən futbol növü üzrə inklüzivliyin dəstəklənməsi, mina hadisələri nəticəsində müxtəlif xəsarətlər alan və ya amputant futbolçuların bu idman növünə cəlb olunması və sosial-ictimai rifahının yaxşılaşdırılması olduqca vacib məsələlərdən biridir”.

Futbol
Aleksander Çeferin yenidən UEFA prezidentliyinə namizəd olacaq

Aleksander Çeferin yenidən UEFA prezidentliyinə namizəd olacaq

Futbol
Azərbaycan Premyer Liqası: Bu gün daha 2 oyun keçiriləcək

Azərbaycan Premyer Liqası: Bu gün daha 2 oyun keçiriləcək

Futbol
AFFA rəsmisi "Fiorentina"nın oyununa təyinat alıb

AFFA rəsmisi "Fiorentina"nın oyununa təyinat alıb

Futbol
AVRO-2024: Azərbaycan millisinin yer alacağı səbət bəlli olub

AVRO-2024: Azərbaycan millisinin yer alacağı səbət bəlli olub

Futbol
Françesko Kaltsona: "Azərbaycan yığmasında yaxşı futbolçular var"

Françesko Kaltsona: "Azərbaycan yığmasında yaxşı futbolçular var"

Futbol
FİFA Mahir Emrelini futboldan uzaqlaşdırıb

FİFA Mahir Emrelini futboldan uzaqlaşdırıb

Futbol
“Poqon”un Musa Qurbanlı üçün ödəmək istədiyi məbləğ müəyyənləşib

“Poqon”un Musa Qurbanlı üçün ödəmək istədiyi məbləğ müəyyənləşib

Futbol
Qazaxıstan millisinin baş məşqçisi ilə müqavilə müddəti uzadılıb

Qazaxıstan millisinin baş məşqçisi ilə müqavilə müddəti uzadılıb

Futbol
Pelenin səhhəti yenidən pisləşib

Pelenin səhhəti yenidən pisləşib

Futbol
"Kəpəz"in baş məşqçisi Rauf Əliyevlə bağlı məsələyə aydınlıq gətirib

"Kəpəz"in baş məşqçisi Rauf Əliyevlə bağlı məsələyə aydınlıq gətirib

Futbol
Konfrans Liqasının oyunu azarkeşlərin kütləvi davasına görə gec başlayıb

Konfrans Liqasının oyunu azarkeşlərin kütləvi davasına görə gec başlayıb

Futbol
Premyer Liqa: "Neftçi" səfərdə "Kəpəz"ə qalib gəlib

Premyer Liqa: "Neftçi" səfərdə "Kəpəz"ə qalib gəlib