Avropa çempionatı: Azərbaycanın 1 güləşçisi finala yüksəlib, 3-ü bürünc medal qazana bilər

Azərbaycanın daha bir sərbəst güləşçisi Xorvatiyanın paytaxtı Zaqrebdə keçirilən Avropa çempionatında finala yüksəlib.

“Report”un məlumatına görə, 92 kq-dakı Osman Nurmaqomedov yarımfinalda Ermak Kardanova (Slovakiya) qalib gəlib.

O, aprelin 19-da qızıl medal uğrunda görüşə çıxacaq.

Bu gün mübarizəyə qoşulan digər güləşçilərdən Cəbrayıl Qadjiyev (74 kq), Abubakr Abakarov (86 kq) və Georgi Meşvildişvili (125 kq) isə bürünc medal şanslarını davam etdirirlər. Onlar sabah təsəlliverici görüşə qatılacaqlar.

Azərbaycanın daha bir sərbəst güləşçisi Xorvatiyanın paytaxtı Zaqrebdə keçirilən Avropa çempionatında yarımfinala yüksəlib.

"Report" xəbər verir ki, 92 kq-dakı Osman Nurmaqomedov 1/4 finalda Filip Finesilverə (İsrail) qalib gəlib.

86 kq-dakı Abubakr Abakarov eyni raundda Dauren Kuruqliyevə (Yunanıstan) yenilib.

61 kq-dakı İntiqam Vəlizadə təsnifatda Taras Markoviçə (Ukrayna) uduzub. Rəqibi növbəti görüşdə məğlub olduğu üçün Vəlizadə medal şansını itirib.

74 kq-dakı Cəbrayıl Qadjiyev Simon Markla (Avstriya) qalib gəlsə də, Frank Çamisoyla (İtaliya) bacarmayıb.

Nəhayət, 125 kq-dakı Georgi Meşvildişvili Gennadi Kudinoviç (Almaniya) güclü olsa da, Taha Akgülün (Türkiyə) müqavimətjni qıra bilməyib.

Qadjiyev, Abakarov və Meşvildişvilinin rəqibləri finala çıxsa, onlar sabah təsəlliverici qarşılaşmalara qatılacaqlar.

Bu gün, həmçinin, digər beş sərbəst güləşçi medal görüşlərinə çıxacaq. 57 kq-dakı Əliabbas Rzazadə qızıl medal uğrunda Süleyman Atlı (Türkiyə) ilə, 70 kq-dakı Hacı Əliyev Ramazan Ramazanovla (Bolqarıstan), 97 kq-dakı Maqomedxan Maqomedov Givi Matçaraşvili (Gürcüstan) ilə üz-üzə gələcək.

65 kq-dakı Əli Rəhimzadə bürünc medal qarşılaşmasında Erik Aruşanyan (Ukrayna), 79 kq-dakı Səbuhi Əmiraslanov Hetik Çabolovla (Serbiya) üz-üzə gələcək.

Qeyd edək ki, Avropa çempionatı aprelin 23-də başa çatacaq.