Səid Mollayi real həyatda qəhrəman xüsusiyyətlərinə malik ən məşhur cüdoçuların siyahısına düşüb
https://mail.qalaba.az//uploads/photo/seid-mollayi-real-heyatda-qehreman-xususiyyetlerine-malik-en-meshhur-cudochularin-siyahisina-dushub.webp
Azərbaycan millisinin üzvü Səid Mollayi Beynəlxalq Cüdo Federasiyasının saytında dərc olunan məqalədə real həyatda qəhrəman xüsusiyyətlərinə malik ən məşhur cüdoçuların siyahısında yer alıb.
"Report" xəbər verir ki, 81 kq-da çıxış edən idmançı ABŞ-da qeyd olunan 28 aprel - Milli Super Qəhrəman Günü ilə əlaqədar bu ada layiq görülüb.
Məqalədə ötən il Bakıda keçirilmiş Böyük Dəbilqədə final blokundan əvvəl Mollayinin və 8 yaşlı Məhəmmədin qarşılaşması xatırlanıb. Cüdoçu çətinliklərlə üzləşmiş, lakin daim möhkəm ayaq üstə duran qəhrəman kimi təqdim olunub: "O, Böyük Dəbilqədə azyaşlı həmkarı Məhəmmədlə tatamiyə çıxaraq dünyada bütün uşaqları ruhlandırdı və onlara ilham verdi. Səid İsraildəki turnirlərə dəfələrlə qatılmaqla, öz inancını müdafiə edərək, hər kəsə cəsarətini nümayiş etdirdi".
Qeyd edək ki, Milli Super Qəhrəman Günü 1995-ci ildə Marvel şirkəti tərəfindən təsis olunub.
