Türkiyəli idmançı: "Prezident Kuboku-2023" beynəlxalq reqatası əla təşkil olunub"

"Beynəlxalq reqata sözün əsl mənasında əla təşkil olunub".

"QELEBE.AZ"un məlumatına görə, bunu Suqovuşan və Mingəçevirdə Ümummilli Lider Heydər Əliyevin anadan olmasının 100 illik yubileyinə həsr edilən "Prezident Kuboku-2023" beynəlxalq reqatasında qızıl medal qazanan Türkiyə avarçəkəni Evrim Bostancı deyib.

Azərbaycana ilk dəfə gəldiyini söyləyən idmançı burada çox yaxşı qarşılandıqlarını bildirib: "Heyətimiz bir məşqçi və altı idmançı olmaqla 7 nəfərdən ibarətdir. Komandamızda olan hər kəs 500 metr məsafəyə kanoe və kayak yarışında birinci oldu. Şükürlər olsun ki, günü yaxşı nəticə ilə başa vurduq. Sabah da eyni uğuru təkrarlamaq üçün bütün gücümüzlə çalışacağıq".

Qeyd edək ki, reqataya mayın 6-da yekun vurulacaq. Bir gün sonra isə Bakıda mükafatlandırma mərasimi olacaq.