İspaniya millisinin baş məşqçisi postunu tərk edə bilər

İspaniya millisinin baş məşqçisi Luis de la Fuente postunu tərk edə bilər.

"Report" "Cadena Ser" nəşrinə istinadən xəbər verir ki, 62 yaşlı mütəxəssisin taleyi yığmanın iyunun ortalarında UEFA Millətlər Liqasındakı çıxışından asılıdır.

Baş məşqçinin İspaniya Kral Futbol Federasiyasından və futbolçulardan son dərəcə narazı olduğu bildirilir.

Qeyd edək ki, Luis de la Fuente yanvarda yığmanın sükanı arxasına keçib. Komanda onun rəhbərliyi altında AVRO-2024-ün seçmə mərhələsində iki qələbə qazanıb, bir oyunda heç-heçə edib, digərində isə məğlub olub.

Millətlər Liqasının final mərhələsi 14 - 18 iyunda Niderlandda təşkil olunacaq.