Tibo Kurtua Azərbaycan millisi ilə oyunu buraxacaq

Belçika millisinin futbolçusu Tibo Kurtua AVRO-2024-ün seçmə mərhələsində Azərbaycan yığması ilə qarşıdakı oyunu buraxacaq.

“Report”un xarici mətbuata istinadən məlumatına görə, 31 yaşlı qapıçı İspaniya klubu “Real”ın məşqi zamanı ağır zədə alıb.

Madrid təmsilçisinin həkimləri tibbi müayinədən sonra Kurtuanın sol diz ön çarpaz bağlarında yırtıq olduğunu müəyyənləşdiriblər. Yaxın günlərdə əməliyyat olunacaq ulduz futbolçu uzun müddət yaşıl meydanlardan uzaq qalacaq.

Qeyd edək ki, AVRO-2024-ün seçmə mərhələsində sentyabrın 9-da Azərbaycan millisinin qonağı olacaq Belçika üç gün sonra Estoniyanı qəbul edəcək.