Canni De Byazi: "Gözəl oyun alınmasa da, istəyimizə nail olduq"

"Gözəl oyun alınmasa da, istəyimizə nail olduq".

"Report" xəbər verir ki, bunu Azərbaycan millisinin baş məşqçisi Canni De Byazi Bakıda İordaniya yığmasına 2:1 hesabı ilə qalib gəldikləri beynəlxalq yoldaşlıq matçından sonra mətbuat konfransında deyib.

67 yaşlı mütəxəssis qarşılaşmanın çətin keçdiyini bildirib: "Rəqibin yaxşı futbolçuları var. Belçika ilə görüşdə çoxlu enerji sərf etmişdik. Meydança da yaxşı vəziyyətdə deyil".

İtaliyalı baş məşqçi Emin Mahmudovun oyunda hər şeyi etdiyini söyləyib: "O, öz işinə ciddi yanaşır. Nəzərə alaq ki, meydanda gənc kollektiv var idi. Bizim üçün yaxşı sınaq oldu".

De Byazi səsi batdığı üçün görüşdə çox qışqıra bilmədiyini və bu səbəbdən fikirlərini jestlərdə oyunçulara çatdırdığını deyib: "Bugünkü oyundan daha yaxşı çıxış edə bilərik. Futbolçular ot örtüyünə görə topu daha yaxşı qəbul edə bilmirdilər. Belçika və İordaniya ilə görüşlərdə yaxşı oyun sərgilədik".

Baş məşqçi AVRO-2024-ün növbəti seçmə oyunlarda yaxşı nəticəyə ümid etdiklərini deyib: "Bizi ağır qarşılaşmalar gözləyir. Belçika ilə dueldəki kimi çıxış edə bilsək, rəqiblərə çətinlik yaşada bilərik",