"Real Madrid" Karlo Ançelottiyə yeni müqavilə təklif edib

"Real Madrid" futbol komandasının baş məşqçisi Karlo Ançelotti Madrid klubunda qala bilər.

Bu barədə “QELEBE.AZ” xarici mətbuata istinadən xəbər verir.

Qeyd edilir ki, "Real Madrid" rəhbərliyi italiyalı mütəxəssisə yeni müqavilə təklif edib və tərəflər müqavilənin uzadılması üçün danışıqlar aparır.

Bundan əvvəl Ançelottinin cari mövsümün sonunda Braziliya millisinə rəhbərlik edəcəyi bildirilirdi.

Xatırladaq ki, Karlo Ançelotti 2021-ci ildən "Real Madrid"in sükanı arxasındadır. Buna qədər italiyalı mütəxəssis İngiltərənin “Everton” klubuna rəhbərlik edib.

Hazırda Madrid klubu 10 oyunun nəticəsinə əsasən 25 xal toplayaraq İspaniya La Liqasının turnir cədvəlinə başçılıq edir.