Adrian Mutu: "Səbir və inam önəmlidir"

"Nəticələr üçün vaxt vacibdir. Səbir və inam da önəmlidir".

"QELEBE.AZ" xəbər verir ki, bunu "Neftçi"nin baş məşqçisi Adrian Mutu mətbuat konfransında deyib.

Mütəxəssis tənqidlərin kifayət qədər olduğunu bildirib: "İstədiyimiz sabit oyun üçün nə qədər vaxt lazım olacaq? Bu sualı cavablandırmaq çətindir. Çalışmalı və çox işləməliyik".

Rumıniyalı baş məşqçi bütün komanda üzvlərinə eyni şansı verdiyini söyləyib: "Ən yaxşı formada olan futbolçunu start heyətinə daxil edirik. Hazırda bizə yaxşı nəticələr lazımdır".

Mutu Yens Anderssonun idman direktoru təyin olunmasına da toxunub: "Biz eyni məqsəd üçün birlikdə çalışmalı və əməkdaşlıq etməliyik. Onun yaxşı nəticələr əldə edəcəyinə inanıram".

Mütəxəssis yeni transfer Reziuan Mirzov haqqında danışıb: "Onun son matçda göstərdiyi performans məni qane etdi. Nəzərə almalıyıq ki, komandaya hazırlıqsız qoşulmuşdu".

Baş məşqçi XI turda üz-üzə gələcəkləri "Sabah"la görüş barədə fikirlərini də bölüşüb: "Rəqib yaxşı komandadır. Onlara qarşı birinci dövrədə oynamışıq. Növbəti matç da ağır keçəcək. Futbolçular sonadək mübarizə aparacaqlar və əlimizdən gələni edəcəyik".