Azərbaycan millisinin rəhbəri: “Hədəfimiz Avropa çempionu olmaqdır”

Azərbaycan millisinin rəhbəri: “Hədəfimiz Avropa çempionu olmaqdır”

“Hədəfimiz Avropa çempionu olmaqdır”.

Bunu “QELEBE.AZ”a açıqlamasında amputasiya olunmuş şəxslərdən ibarət futbol üzrə millinin rəhbəri Elnur Sadıqov deyib.

O, yığmanın 2024-cü ildə Fransada təşkil olunacaq Avropa çempionatının final mərhələsinə vəsiqə qazanmasını dəyərləndirib. Komandanın rəhbəri qitə birinciliyinə böyük ümidlərlə yollanacaqlarını söyləyib: “Yeganə məqsədimiz qatıldığımız bütün turnirlərdə birinci yeri tutmaq, Azərbaycanın bayrağını, adını ucaltmaqdır. Millətlər Liqasına bu düşüncə ilə yollanmışdıq. Avropa çempionatına da tam gücümüzlə hazırlaşacağıq. Bunu bacarsaq, dünya çempionatına yolumuz açılacaq”.

E.Sadıqov Millətlər Liqasının D divizionunda ikinci yeri tutmalarını böyük uğur adlandırıb: “Komandamızın əsası Qarabağ qazilərindən təşkil olunub. Bu səbəbdən bizdə Vətənə, bayrağa sevgi ilk növbədə gəlir. Bunu uşaqların gecə-gündüz çalışmalarından gördüm. Stadionla, məşq keçməklə bağlı sıxıntılar çəksək də, Millətlər Liqasında uğurlu oyunlar keçirdik. Qarabağda olduğu kimi, yaşıl meydançalarda da can qoymağa çalışdıq”.

Millinin rəhbəri yarışın qalibi ola bilməmələrini haqsızlıqla üzləşmələri ilə əlaqələndirib: “Millətlər Liqasında birinci yeri tutmağımıza imkan vermədilər. Niderlandla oyundan əvvəl Dövlət Himni sona qədər səsləndirilmədi. Bu, uşaqlara psixoloji təsir göstərdi. Bəzi ölkələrdə Azərbaycanın uğurlarına hələ də paxıllıq edirlər. Niderlandın kuboku qazanması qurulmuş bir plan idi. Matç başlayan kimi heç nədən qapımıza penalti təyin olundu. Ardından ikinci dəfə əleyhimizə penalti verildi və oyunçumuz qırmızı vərəqə aldı. Meydanda azlıqda qalanda isə güclü rəqiblə mübarizə aparmaq çətin olur”.

O, AFFA və ANAMA rəhbərliyinə də təşəkkür etməyi unutmayıb: “Millətlər Liqasına hazırlaşmağımızın, turnirə getməyimizin əsas səbəbkarlarından biri AFFA olub. Bizə verilən dəstəyə görə baş katib Sərxan Hacıyevə və AFFA rəhbərliyinə təşəkkürümü bildirirəm. Bütün texniki avadanlıqlarla bizi təmin etdilər. Hətta Şotlandiyada da AFFA nümayəndəsi bizə kömək göstərdi. Bu sözlər ANAMA-ya da şamil edilir. Bu iki qurumun dəstəyi olmasaydı, Millətlər Liqasında iştirakımız çətinləşərdi. Sərxan Hacıyev hətta Avropa Amputant Futbol Federasiyasının prezidenti ilə bununla bağlı danışmışdı. Çünki turnirdə iştirakımız sual altında idi. Sərxan müəllimin danışıqları sayəsində Millətlər Liqasına qatıldıq”.

Qeyd edək ki, millimiz Avropa Amputant Futbol Federasiyasının təşkilatçılığı ilə Şotlandiyada keçirilən Millətlər Liqasının D divizionunda Niderland, Şotlandiya, Albaniya və Kosovo ilə mübarizə aparıb. Avropa çempionatında isə 16 komanda çıxış edəcək.

Futbol
Konfrans Liqası: "Qarabağ"ın pley-offdakı rəqibi bəlli olur

Konfrans Liqası: "Qarabağ"ın pley-offdakı rəqibi bəlli olur

Futbol
Kadi Borges: "Frayburq"la oyunun taleyini xırda detallar həll etdi"

Kadi Borges: "Frayburq"la oyunun taleyini xırda detallar həll etdi"

Futbol
Konfrans Liqası: Növbəti mərhələnin bütün iştirakçıları bəlli olub

Konfrans Liqası: Növbəti mərhələnin bütün iştirakçıları bəlli olub

Futbol
"Neftçi"nin müdafiəçisi "Səbail"ə keçib

"Neftçi"nin müdafiəçisi "Səbail"ə keçib

Futbol
“Şamaxı”nın baş məşqçisi: “Bir neçə mövqedə problemlərimiz var”

“Şamaxı”nın baş məşqçisi: “Bir neçə mövqedə problemlərimiz var”

Futbol
“Mançester Yunayted” millinin sabiq qapıçısını heyətinə qatıb

“Mançester Yunayted” millinin sabiq qapıçısını heyətinə qatıb

Futbol
Qurban Qurbanov: "Heyətin gücləndirilməsi yönündə işlər aparılır"

Qurban Qurbanov: "Heyətin gücləndirilməsi yönündə işlər aparılır"

Futbol
"Qarabağ"ın legioneri: "Neftçi" və "Olimpiakos"la matçda formada olmalıyıq"

"Qarabağ"ın legioneri: "Neftçi" və "Olimpiakos"la matçda formada olmalıyıq"

Futbol
Regekampf "Neftçi"ni Rumıniya klubuna dəyişə bilər

Regekampf "Neftçi"ni Rumıniya klubuna dəyişə bilər

Futbol
Qırğızıstan və Moldova yığması ilə qarşılaşacaq Azərbaycan millisinin heyəti açıqlanıb

Qırğızıstan və Moldova yığması ilə qarşılaşacaq Azərbaycan millisinin heyəti açıqlanıb

Futbol
AFFA Canni De Byazi ilə müqaviləni uzadıb

AFFA Canni De Byazi ilə müqaviləni uzadıb

Futbol
Çempionlar Liqasında uduzan “Leypsiq”in baş məşqçisi istefaya göndərilib

Çempionlar Liqasında uduzan “Leypsiq”in baş məşqçisi istefaya göndərilib