AVRO-2024-ə vəsiqə qazanan Çexiya millisinin baş məşqçisi istefa verib
https://mail.qalaba.az//uploads/photo/avro-2024-e-vesiqe-qazanan-chexiya-millisinin-bash-meshqchisi-istefa-verib.webp
Çexiya millisinin baş məşqçisi Yaroslav Şilqavi istefa verib.
“Report” xəbər verir ki, 62 yaşlı mütəxəssis komandasına AVRO-2024-ün final mərhələsinə vəsiqə qazandırsa da, vəzifəsindən ayrılmaq qərarına gəlib.
O, seçmə mərhələnin Moldova (3:0) ilə son turunun matçından sonra qərarını açıqlayıb. Onun komandası E qrupunda ikinci yeri tutaraq, final mərhələsinə vəsiqəni rəsmiləşdirib.
Qeyd edək ki, Yaroslav Şilqavi 2018-ci ildən Çexiya yığmasını çalışdırırdı. Komanda onun rəhbərliyi altında AVRO-2020-nin 1/4 finalına qədər irəliləyib.
