Xankəndidə bütövləşən Azərbaycan futbolu - ŞƏRH

Xankəndidə bütövləşən Azərbaycan futbolu - ŞƏRH

Dekabrın 21-i Azərbaycan futbolunun tarixinə qızıl hərflərlə yazıldı. İşğaldan azad edilən Xankəndi şəhərində tarixi hadisənin şahidi olduq. “Qarabağ” Azərbaycan Kubokunun 1/8 final mərhələsində MOİK-i sınağa çəkdi. Ağdam təmsilçisinin rəqibinin Mərkəzi Ordu İdman Klubu olması qarşılaşmaya xüsusi anlam və rəng qatdı.

Ümumiyyətlə, bu, 30 illik fasilədən sonra Qarabağ bölgəsinin işğaldan azad edilən hissəsində ilk rəsmi oyun oldu. 1993-cü ilin mayında “Qarabağ” ilə “Turan” (Tovuz) Ağdamın “İmarət” stadionunda qarşılaşmış, görüş meydan sahiblərinin 1:0 hesablı qələbəsi ilə yekunlaşmışdı. Yaşar Hüseynovun qolu oyunda yeganə olmuşdu. Bu matçdan cəmi 2 ay sonra Ağdam işğal olunduğundan, “Qarabağ” rəqiblərini Mingəçevir, Sumqayıt və Bakıda qəbul etmək məcburiyyətində qaldı. 2009 və 2010-cu illərdə isə “köhlən atlar” Azərbaycan çempionatı və kubokunda bir neçə ev oyununu Ağdamın Quzanlı qəsəbəsində keçirdi...

Xankəndi şəhər stadionu simasını tam dəyişmiş, gözəlləşmişdi. Separatçıların dönəmindən qalma köhnə oturacaqlar və digər avadanlıqlar sökülərək yenilənmiş, yeni qaçış zolağı salınmış, qapının arxasındakı tribunalardan birinin üzərində böyük hərflərlə "Qarabağ Azərbaycandır", digərinə isə "Xankəndi" sözləri yazılmışdı. Bu tarixi qarşılaşmaya təyinat alanların siyahısı da zərgər dəqiqliyi ilə müəyyənləşdirilmişdi. Belə ki, baş hakim Əli Əliyev, dördüncü hakim funksiyasını yerinə yetirən Kamal Umudlu və yan xətt hakimi Taleh Məmmədov 44 günlük Vətən müharibəsinin iştirakçısı olublar. Matçın hakim-inspektoru Munis Abdullayev isə vaxtilə Xankəndinin "Qarabağ" komandasında oynayıb. Bir sözlə, oyunun təşkilatçılığı ilə bağlı hər detal nəzərə alınmışdı.

Ali Baş Komandan İlham Əliyevin stadiona təşrif buyurması və çıxış etməsi, tezliklə “İmarət” stadionunun tikintisinə başlanılacağının anonsunu verməsi, meydana çıxıb futbolçular və hakimlərlə bir-bir görüşməsi, onlarla xatirə fotosu çəkdirməsi, topa ilk toxunuşu etməsi tribunalarda əyləşənlərin gurultulu alqışları ilə müşayiət olundu. Cənab Prezidentin qarşılaşmanı şəhid övladları ilə birgə izləməsi də gözəl və anlamlı görüntü idi. Ümumiyyətlə, dekabrın 21-də tribunalarda futbol ictimaiyyətinin əksər tanınmış nümayəndələri yer almışdılar. Azərbaycan futbolu uzun illərdən sonra məhz Xankədidə birləşdi, bütövləşdi.

Bütün bunların fonunda meydanda yaşananlar arxa plana keçdi. Görüşün favoriti olan “Qarabağ” uzatma dəqiqələrində fərqlənməklə 1/4 finala vəsiqə qazandı. Əslində isə bu oyunda kimin qalib gəlməsi o qədər də önəmli deyildi. Vacib olan Azərbaycan futbolunun Qarabağ torpağına ayaq açması, arealının daha da genişlənməsi idi. Etiraf edək ki, futbol bayramı baş tutdu! Buna görə təşkilatçılar alqışı haqq edirlər. Maraq üçün onu da bildirək ki, qarşılaşmanı 4590 azarkeş izləyib. Bu isə Azərbaycan Kubokunun 1/8 final mərhələsində ən çox tamaşaçı olan oyundur.

Azərbaycanın dilbər guşəsində böyük idman qurğusunun olduğunu hər kəs gördü. 12 min tamaşaçı tutumuna malik Xankəndi şəhər stadionunun da dövlətin dəstəyi ilə ən müasir standartlara uyğun vəziyyətə gətiriləcəyi şübhə doğurmur. Çünki artıq bu prosesə başlanılıb. Növbəti addım isə Xankəndini təmsil edəcək peşəkar klubun yaradılması olardı. Xankəndinin Azərbaycan futbol ailəsinə inteqrasiyası vacib və qaçılmazdır.

Futbol
Azərbaycan Kuboku: 1/8 final mərhələsinin oyunlarının vaxtı bəlli olub

Azərbaycan Kuboku: 1/8 final mərhələsinin oyunlarının vaxtı bəlli olub

Futbol
Fransa klubu "Qarabağ"la oyun üçün 20 futbolçu sifariş edib

Fransa klubu "Qarabağ"la oyun üçün 20 futbolçu sifariş edib

Futbol
"Liverpul" Qakponu transfer edib

"Liverpul" Qakponu transfer edib

Futbol
İntizam Komitəsinin sədri: "Heç bir kluba qarşı qərəzli qərar çıxarmaq marağında deyilik"

İntizam Komitəsinin sədri: "Heç bir kluba qarşı qərəzli qərar çıxarmaq marağında deyilik"

Futbol
"Formula 1" üzrə Azərbaycan Qran-prisinin vaxtı dəyişdirilə bilər

"Formula 1" üzrə Azərbaycan Qran-prisinin vaxtı dəyişdirilə bilər

Futbol
“Konyaspor”un baş məşqçisi istefaya göndərilib

“Konyaspor”un baş məşqçisi istefaya göndərilib

Futbol
UEFA Türkiyə Futbol Federasiyasını cəzalandırıb

UEFA Türkiyə Futbol Federasiyasını cəzalandırıb

Futbol
2022-ci ilin ən yaxşı qapıçısı adına 25 namizəd seçilib

2022-ci ilin ən yaxşı qapıçısı adına 25 namizəd seçilib

Futbol
"Sürix" klubunun yeni baş məşqçisi bəlli olub

"Sürix" klubunun yeni baş məşqçisi bəlli olub

Futbol
"Bavariya"nın aparıcı futbolçusu zədələnib

"Bavariya"nın aparıcı futbolçusu zədələnib

Futbol
“Qəbələ” ikinci hazırlıq matçında qələbə qazanıb

“Qəbələ” ikinci hazırlıq matçında qələbə qazanıb

Futbol
AFFA “Sabah”ı cəzalandırıb

AFFA “Sabah”ı cəzalandırıb