"Omoniya" Azərbaycan klublarına qarşı: Dörd oyun, bir məğlubiyyət

Kiprin "Omoniya" komandası daha əvvəl Azərbaycanın iki klubu ilə avrokuboklarda üz-üzə gəlib.

"Report"un məlumatına görə, UEFA Konfrans Liqasının pley-off mərhələsində "Zirə"yə rəqib olan larnakalıların yolu üçüncü dəfə təmsilçimizlə kəsişib.

"Qarabağ" 2021/2022 mövsümündə eyni turnirin qrup mərhələsində kiprlilərlə görüşüb. "Köhlən atlar" ilk turun matçında 4:1 hesablı qələbəyə sevinib. Bakıdakı qarşılaşmada isə heç-heçə qeydə alınıb - 2:2.

"Qəbələ" də məhz Konfrans Liqasında "Omoniya" ilə qarşılaşıb. Ağdam klubundan fərqli olaraq "qırmızı-qaralar" hər iki oyunda məğlubiyyətə üzülüb. 2023/2024 mövsümünün II təsnifat mərhələsində 2:3 və 1:4 hesabları qeydə alınıb.

Qeyd edək ki, "Zirə" "Omoniya" ilə ilk matçını bu gün səfərdə keçirəcək. Görüş Bakı vaxtı ilə saat 21:00-da start götürəcək. Cavab qarşılaşması bir həftə sonra baş tutacaq.