"Səbail"in baş məşqçisi: "Hücum xəttində "dişsizliyimiz" nəzərə çarpır"

Hücum xəttində "dişsizliyimiz" nəzərə çarpır.

"QELEBE.AZ" xəbər verir ki, bunu "Səbail"in baş məşqçisi Cavid Hüseynov "Sabah"a qarşı Azərbaycan Premyer Liqasının XV turunun oyunundan sonra baş tutan mətbuat konfransında deyib.

Gənc mütəxəssis rəqib komandanı qələbə qazanması münasibəti ilə təbrik edib:

"Heyətlə bağlı müəyyən çatışmazlıqlarımız var. Təbii ki, bu amil oyunu bir qədər də çətinləşdirir. Hücum xəttində "dişsizliyimiz" nəzərə çarpır. Düşünürəm ki, problemlərimiz öz həllini tapacaq. Sadəcə qış fasiləsinə qədər gözləməliyik. Diqqətimizi növbəti turun görüşlərinə yönəldəcəyik",

Qeyd edək ki, XV turun görüşündə "Səbail" "Bank Respublika Arena"da "Sabah"a 0:1 hesabı ilə məğlub olub.