"Çelsi" İspaniya millisinin futbolçusu üçün danışıqlara başlayıb
https://mail.qalaba.az//uploads/photo/chelsi-ispaniya-millisinin-futbolchusu-uchun-danishiqlara-bashlayib.webp
İngiltərənin "Çelsi" klubu İspaniya millisinin və "Atletik"in futbolçusu Niko Uilyamsın transferi üçün danışıqlara başlayıb.
"Report" "TEAMtalk"a istinadən xəbər verir ki, La Liqa təmsilçisi Çempionlar Liqasına vəsiqə qazana bilməsə, 22 yaşlı oyunçunun "zadəganlar"a keçmək ehtimalı yüksəkdir.
Forvardın müqaviləsindəki bəndə əsasən, onun sözləşməsinə 58 milyon avro qarşılığında vaxtdan əvvəl xitam verilə bilər.
Qeyd edək ki, Niko Uilyams cari mövsüm bütün turnirlərdə 37 oyun keçirib, 9 qol və 7 məhsuldar ötürmə ilə yadda qalıb. Onun "Atletik"lə müqaviləsinin müddəti 2027-ci ilin yayınadək qüvvədədir.
