Rusiyalı məşhur idmançı altı il ərzində 143 dəfə cərimələnib

ABŞ-nin "Pittsburq Pinqvinz" klubunun hokkeyçisi Yevgeni Malkin Rusiyada son altı il ərzində yol hərəkəti qaydalarını pozduğu üçün 143 dəfə cərimələnib.

"QELEBE.AZ" Rusiya mətbuatına istinadən xəbər verir ki, 38 yaşlı hücumçu təkcə bir ay ərzində 25 min rubl cərimə olunub.

Onun sükan arxasında telefonla danışdığı, sürət həddini aşdığı və parklanma üçün pul ödəmədiyi bildirilib.

Altı il ərzində 143 cərimə 264.5 min rubl (təxminən 5 700 manat) edib. Malkin hələlik yeddi cəriməni (16 min rubl) ödəməyib.