“Sumqayıt” yeni transferinin müqavilə detallarını açıqladı

Daha əvvəl xəbər verdiyimiz kimi, “Sumqayıt” sabiq yarımmüdafiəçisi Masaki Muratanı heyətinə qaytarıb.

QELEBE.AZ xəbər verir ki, komanda son mövsümü Danimarkanın "Veyle" klubunda keçirən futbolçu ilə 2 illik müqavilə imzalayıb.

Bu barədə klubun mətbuat xidməti məlumat yayıb.

Murata "Sumqayıt"ın heyətində 71 nömrəli formada çıxış edəcək. 

Qeyd edək ki, Masaki Murata 2022/23 mövsümünün ikinci yarısı və 2023/24 mövsümündə "Sumqayıt"ın heyətində ümumilikdə 54 oyun keçirib. O, 1 qol və 3 məhsuldar ötürmə ilə yadda qalıb.