"Formula 1": Yeni mövsümün ilkin təqvimi açıqlanıb

"Formula 1" üzrə 2023-cü il dünya çempionatının ilkin təqvimi açıqlanıb.

"QELEBE.AZ" "Auto Bild" nəşrinə istinadən xəbər verir ki, təqvimdə 24 Qran-pri yer alıb.

Mövsüm martın 5-də Bəhreyn Qran-prisi ilə start götürəcək və noyabrın 26-da Birləşmiş Ərəb Əmirliklərinin paytaxtı Abu-Dabidəki yarışla başa çatacaq. Cari mövsümlə müqayisədə təqvimə 2 yeni yarış - Las-Veqas və Çin Qran-priləri əlavə olunub.

Lakin Beynəlxalq Avtomobil Federasiyası (FIA) hələlik təqvimin ilk versiyasını təsdiqləməyib. Çünki Çin Qran Prisinin keçirilməsi ilə bağlı qeyri-müəyyənlik səbəbindən yarışların sayı azala bilər. Çünki ölkədə hələ də pandemiya ilə bağlı ciddi məhdudiyyətlər var.

Qeyd edək ki, Azərbaycan Qran-prisi mövsümün 5-ci yarışı olacaq və 28 - 30 apreldə təşkil ediləcək.

"Formula 1" üzrə 2023-cü il dünya çempionatının ilkin təqvimi

Bəhreyn Qran-prisi - 3-5 mart

Səudiyyə Ərəbistanı Qran-prisi - 17-19 mart

Avstraliya Qran-prisi - 31 mart - 2 aprel

Çin Qran-prisi - 14-16 aprel

Azərbaycan Qran-prisi - 28 - 30 aprel

Mayami Qran-prisi - 5-7 may

Emilya-Romanya Qran-prisi - 19-21 may

Monako Qran-prisi - 26 - 28 may

İspaniya Qran-prisi - 2-4 iyun

Kanada Qran-prisi - 16-18 iyun

Avstriya Qran-prisi - 30 iyun - 2 iyul

Böyük Britaniya Qran-prisi - 7-9 iyul

Belçika Qran-prisi - 21-23 iyul

Macarıstan Qran-prisi - 28-30 iyul

Niderland Qran-prisi - 25 - 27 avqust

İtaliya Qran-prisi - 1-3 sentyabr

Sinqapur Qran-prisi - 15-17 sentyabr

Yaponiya Qran-prisi - 22-24 sentyabr

Qətər Qran-prisi - 6-8 oktyabr

ABŞ Qran-prisi - 20-22 oktyabr

Meksika Qran-prisi - 27-29 oktyabr

Braziliya Qran-prisi - 3-5 noyabr

Las-Veqas Qran-prisi - 16-18 noyabr

Abu-Dabi Qran-prisi - 24-26 noyabr