“Aston Villa” klub rekordu təkrarlayıb - 111 il sonra

“Aston Villa” bütün turnirlərdə ardıcıl 11-ci qələbəsini qazanaraq klub rekordunu təkrarlayıb.

Apasport.az xəbər verir ki, Unay Emerinin komandası Premyer Liqanın XVIII turu çərçivəsində “Çelsi”ni 2:1 hesabı ilə məğlub edib.

Beləliklə, “Aston Villa” ardıcıl 11 qələbə qazanmaqla klub rekordunu yenidən təkrarlayıb.

Birmingem təmsilçisi sonuncu dəfə bu cür qələbə seriyasını 1914-cü ildə nümayiş etdirmişdi. Həmçinin 1897-ci ildə də komanda ardıcıl 11 qələbə qazanmışdı.