Neymar PSJ-nin növbəti oyununu buraxacaq
https://mail.qalaba.az//uploads/photo/neymar-psj-nin-novbeti-oyununu-buraxacaq.webp
Fransanın PSJ klubunun futbolçusu Neymar "Monpelye"yə qarşı keçirəcəkləri Liqa 1-in XXI tur oyununu buraxacaq.
"Report" Paris təmsilçisinin rəsmi saytına istinadən xəbər verir ki, 31 yaşlı hücumçuya əzələ yorğunluğu diaqnozu qoyulub.
Braziliyalı forvardın müalicəsinə bu gündən başlanılacaq.
Qeyd edək ki, fevralın 1-də oynanılacaq "Monpelye" - PSJ matçı Bakı vaxtı ilə saat 00:00-da başlayacaq. Neymar cari mövsüm çempionatda 18 matça çıxıb, 12 qol vurub və 10 məhsuldar ötürmə ilə yadda qalıb.
