Şahin Diniyev: “Özümüz qapımıza iki qol vurduq”

Şahin Diniyev: “Özümüz qapımıza iki qol vurduq”

“Sabah” istədiyini bizim hesabımıza bacardı. Rəqib yox, özümüz öz qapımıza iki qol vurduq”.

“QELEBE.AZ”un məlumatına görə, bunu “Səbail”in baş məşqçisi Şahin Diniyev “Sabah”a 0:4 hesabı ilə məğlub olduqları Premyer Liqanın XXI tur oyunundan sonra “CBC Sport” kanalına açıqlamasında deyib.

57 yaşlı mütəxəssis rəqibin erkən qol üçün təzyiq edəcəyini öncədən bildiklərini söyləyib: “Oyuna planlı şəkildə çıxmışdıq. İlk 15 dəqiqəni etibarlı şəkildə sadə futbolla keçirmək istədik. “Sabah”ın matçın startından etibarən təzyiq göstərəcəyini gözləyirdik. “Qarabağ”ın xal itirməsindən sonra çoxları bu gün “Sabah”dan qələbə gözləyirdi. Rəqib daha rahat olmaq üçün erkən qol vurmaq istəyirdi. Çünki dəqiqələr keçdikcə onlara çətin olacaqdı. “Sabah” ən yaxşı oyun göstərən komandalardan biridir. Bu cür rəqibə qarşı geridönüş etmək çətindir”.

Diniyev komandasının ikinci hissədəki performansından razılıq bildirib: “İkinci hissədəki oyun istədiyim futbol idi. Mənə gələcəyə nikbin baxmağa kömək etdi. Fasilədən sonra başabaş mübarizə apardıq, qol vəziyyətləri yaratdıq. Oyun üstünlüyü bizim tərəfimizə keçdi. Turnir cədvəlinin sonuncu pilləsində olmağımız futbolçulara psixoloji gərginlik yaradır. Onları bu durumdan heç cür çıxara bilmədik. Fasilədə dedim ki, uduzsaq belə, futbol oynayaq. Məncə, bu cür oyunla gələcəkdə daha yaxşı nəticələr göstərə biləcəyik”.

Baş məşqçi əlavə edib ki, əsas problemləri heyətlərinin kasad olmasıdır: “Belə kiçik komandada heyətin kasad olması, üstəlik, əsas heyətin dörd oyunçusunun iştirak etməməsi komandaya təsir göstərdi. “Sabah” meydanda azlıqda qalanda ikinci hücumçunu meydana buraxmaq istədim. Mirabdulla Abbasov, Ağabala Ramazanov, Maksim Çex və Kizito Luvaqa olmadığından, rotasiya eləmək gücündə deyildim. Sadəcə, yarımmüdafiəçini hücuma buraxdıq”.

Şahin Diniyev transfer pəncərəsinin son günlərində iki transfer reallaşdırmaq istədiklərini deyib: “Qış fasiləsində yaxşı oyunçu tapmaq çətindir. Fevralın 8-nə qədər iki mövqeyi gücləndirməyə çalışacağıq. Mərkəz müdafiəçisinə və yarımmüdafiəçiyə ehtiyacımız var. Düzdür, şansımız azdır. Amma axırıncı şansdan da istifadə etməyə çalışacağıq. Skaut şöbəmiz bununla bağlı işlərini davam etdirir. Sabaha qədər nəsə olmalıdır”.

Futbol
Qara Qarayev: "2023-cü ildə də uğurlar qazanacağıq"

Qara Qarayev: "2023-cü ildə də uğurlar qazanacağıq"

Futbol
"Gent"in baş məşqçisi: "Qarabağ" çətin və güclü rəqibdir"

"Gent"in baş məşqçisi: "Qarabağ" çətin və güclü rəqibdir"

Futbol
Bundesliqa: “Borussiya” Dortmund səfərdə Mönhenqladbax “Borussiya”sına uduzub

Bundesliqa: “Borussiya” Dortmund səfərdə Mönhenqladbax “Borussiya”sına uduzub

Futbol
Premyer Liqa: “Neftçi” səfərdə “Zirə”ni darmadağın edib

Premyer Liqa: “Neftçi” səfərdə “Zirə”ni darmadağın edib

Futbol
2022-ci ilin ən yaxşı qapıçısı adına 25 namizəd seçilib

2022-ci ilin ən yaxşı qapıçısı adına 25 namizəd seçilib

Futbol
Pele xəstəxanaya yerləşdirilib

Pele xəstəxanaya yerləşdirilib

Futbol
"Neftçi"nin baş məşqçisi: "Gəncədəki stadionda otun hündürlüyü böyük idi"

"Neftçi"nin baş məşqçisi: "Gəncədəki stadionda otun hündürlüyü böyük idi"

Futbol
Premyer Liqa: Birinci hissəni ən çox öz xeyrinə başa vuran komandalar

Premyer Liqa: Birinci hissəni ən çox öz xeyrinə başa vuran komandalar

Futbol
“Qarabağ” "Monako"nun sabiq futbolçusu ilə müqavilə imzalayıb

“Qarabağ” "Monako"nun sabiq futbolçusu ilə müqavilə imzalayıb

Futbol
“Qarabağ” Azərbaycan çempionatları tarixində yeni rekord vurub

“Qarabağ” Azərbaycan çempionatları tarixində yeni rekord vurub

Futbol
Ronaldo bağışlanılıb

Ronaldo bağışlanılıb

Futbol
UEFA Ukraynanın “Dnepr-1” klubunu avrokuboklardan kənarlaşdıra bilər

UEFA Ukraynanın “Dnepr-1” klubunu avrokuboklardan kənarlaşdıra bilər