Azərbaycanın iki karateçisi Avropa çempionatının finalına yüksəlib

Azərbaycanın iki karateçisi İspaniyanın Qvadalahara şəhərində karate üzrə Avropa çempionatının finalına yüksəlib.

“Report”un xəbərinə görə, İrina Zaretska (68 kq) və Fəridə Əliyeva (68 kq-dan yuxarı) qızıl medal uğrunda mübarizə aparacaqlar.

Digər karateçilərimizdən Tural Ağalarzadə (67 kq), Fərid Ağayev (75 kq) və Fidan Teymurova (50 kq) bürünc medal uğrunda yarışacaqlar.

Qeyd edək ki, qitə çempionatına 48 ölkədən 468 idmançı qatılıb.