"Real Madrid" Harri Keynin transferi üçün son təklifi edəcək

"Real Madrid" "Tottenhem"in hücumçusu Harri Keynin transferi üçün son təklifi hazırlayır.

"QELEBE.AZ" xəbər verir ki, bu barədə AS agentliyi məlumat yayıb.

Məlumata görə, klub rəhbərliyi ingilis hücumçuya 100 milyon avrodan çox pul xərcləmək niyyətində deyil. Təklif qəbul olunmasa, "Real Madrid" Keyni transfer etmək fikrindən əl çəkəcək.

Bundan əvvəl iyunun 8-də AS xəbər vermişdi ki, "Real Madrid" Harri Keyni almaq fikrindən daşınıb. Qeyd olunub ki, İspaniya klubu Keynin transferi üçün 116 milyon avro ödəməyə hazır deyil. Həmçinin 29 yaşlı ingilis hücumçu "Real Madrid"in heyətin gəncləşdirilməsi ilə bağlı konsepsiyasına sığmır.

Qeyd edək ki, Harri Keyn 2022/2023 mövsümündə "Tottenhem"in heyətində bütün turnirlərdə 49 oyun keçirib. Fransalı hücumçu bu matçlarda 32 qol və 5 məhsuldar ötürmə ilə yadda qalıb. Onun londonlularla 2024-cü ilin yayınadək müqaviləsi var.