Daha bir ulduz futbolçu Səudiyyə Ərəbistanı klubuna keçib

Daha bir ulduz futbolçu Səudiyyə Ərəbistanı klubuna keçib.

“Report” xəbər verir ki, İngiltərə komandası “Çelsi”nin müdafiəçisi Kalidu Kulibali Asiya ölkəsinə köçüb.

London təmsilçisi 32 yaşlı mərkəz müdafiəçisinin “Əl-Hilal”a satıldığını elan edib. Transferin detalları və müqavilənin müddəti barədə məlumat verilməyib.

Qeyd edək ki, bu yay Kərim Benzema, Nqolo Kante, Ruben Neveş və Hakim Ziyeş kimi ulduz futbolçular da Səudiyyə Ərəbistanı klublarına keçiblər.