Raymond Debeveç: "Bakı əvəzedilməzdir"

Raymond Debeveç: "Bakı əvəzedilməzdir"

Bakıda keçirilən atıcılıq üzrə 53-cü dünya çempionatında 300 metr məsafəyə uzanaraq atəş açma növündə qızıl medal qazanan 60 yaşlı Raymond Debeveç 3-cü dəfə dünya çempionu olub.

O, mümkün 600 xalın hamısını toplayaraq dünya rekordunu yeniləyib.

1977-ci ildən atıcılıqla məşğul olan təcrübəli atlet mükafatlandırma mərasimindən sonra "Report"un suallarını cavablandırıb.

- 60 yaşında növbəti dəfə dünya çempionu oldunuz. Təəssüratlarınız necədir?

- Xoşbəxtəm, bu, mənim indiyədək dünya çempionatlarında qazandığım üçüncü qızıl medaldır. Olimpiya Oyunlarında isə 3 medalım var. Bir qızıl və iki bürünc. Mən bu yaşda uğur qazanmaqla bütün dünyaya göstərdim ki, atıcılıq idman növündə yaş məhdudiyyəti yoxdur. Bakı Atıcılıq Mərkəzindəki şərait də gözəldir. Bəzi hallarda küləyə görə qeyri-bərabər şərait yaranır. Amma bu gün ədalətli oldu. İşıqlandırma sistemi çox əladır. Yüngül külək əsirdi. Amma atış zamanı bizə mane olmadı. Yekun nəticəyə görə çox xoşbəxtəm.

- Sizin çempionluğunuz təcrübəniz sayəsində oldu, yoxsa gənclər yaxşı ata bilmir?

- Fikir verdisinizsə, bir xal fərqlə çempion oldum. Medal qazanan rəqiblərimin 29 yaşı var idi. Onlar da yaxşı atıcıdırlar. Bu uğurumda biraz da bəxtin və şansın rolu oldu. Ona görə çempion oldum.

- Bu uğuru dünya rekordunu təkrarlamaqla bəzədiniz...

- Təbii ki, bu rekord qırıla bilməz. Maksimum göstəricidir. Mən bu rekordu sadəcə təkrarladım.

- Yaşınıza rəğmən, Parisdə keçiriləcək Yay Olimpiya Oyunlarında iştirak etməyi hədəfləyirsinizmi?

- Bakıdakı yarışda qeyri-olimpia növlərinə diqqətimi yönəltdim. Parisə lisenziya verən növlərdə mübarizə aparmadım. Belə görünür ki, növbəti olimpiadada da olmayacağam.

- Olimpidaya qatılmamaq istəyiniz nə ilə bağlıdır?

- Yaşımla bağlı məsələdir. Fiziki durumum elə də uzun müddət ayaq üstə dayanmağıma imkan vermir. Bu növdə uzanaraq atəş açırdıq ki, bu, mənim üçün daha əlverişlidir.

- Azərbaycan və Bakı Atıcılıq Mərkəziylə bağlı təəssüratlarınız necədir?

- Azərbaycana üçüncü səfərimdir. İlk dəfə Avropa Oyunlarına gəlmişdim. Daha sonra Avropa çempionatında çıxış etmişdim. Təbii ki, Qəbələ də gözəl yerdir. Amma Bakı əvəzedilməzdir. Atıcı özünü olduğu yerdə yaxşı hiss edirsə, deməli orada hər şey yaxşıdır. Və elə də atəş açır.

Fərdi
Ronaldu karyerasını iki ölkədə davam etdirə bilər

Ronaldu karyerasını iki ölkədə davam etdirə bilər

Fərdi
Premyer Liqada tarixi nailiyyət: Azərbaycan karateçiləri altı medalla yarışı başa vurub

Premyer Liqada tarixi nailiyyət: Azərbaycan karateçiləri altı medalla yarışı başa vurub

Fərdi
Dünya çempionatı: Azərbaycanın 4 sərbəst güləşçisi bu gün mübarizəyə başlayır

Dünya çempionatı: Azərbaycanın 4 sərbəst güləşçisi bu gün mübarizəyə başlayır

Fərdi
Bakıdakı yarışda iştirak edəcək Azərbaycan karateçiləri açıqlanıb

Bakıdakı yarışda iştirak edəcək Azərbaycan karateçiləri açıqlanıb

Fərdi
Kikboksinq üzrə Azərbaycan Kuboku keçiriləcək

Kikboksinq üzrə Azərbaycan Kuboku keçiriləcək

Fərdi
Ağırlıqqaldırma üzrə Azərbaycan birinciliyi təxirə salınıb

Ağırlıqqaldırma üzrə Azərbaycan birinciliyi təxirə salınıb

Fərdi
Azərbaycanın stolüstü tennisçisi beynəlxalq turnirin qalibi olub

Azərbaycanın stolüstü tennisçisi beynəlxalq turnirin qalibi olub

Fərdi
Avropa çempionatı: Azərbaycanın cüdo millisi bu gün Avstriya ilə üz-üzə gələcək

Avropa çempionatı: Azərbaycanın cüdo millisi bu gün Avstriya ilə üz-üzə gələcək

Fərdi
Mətbuat Şurasında Azərbaycan İdman Jurnalistləri İctimai Birliyinin nümayəndələri ilə görüş olub

Mətbuat Şurasında Azərbaycan İdman Jurnalistləri İctimai Birliyinin nümayəndələri ilə görüş olub

Fərdi
Azərbaycan millisinin cüdoçusu dünya çempionatında iştirak etməyəcək

Azərbaycan millisinin cüdoçusu dünya çempionatında iştirak etməyəcək

Fərdi
Azərbaycanlı dünya çempionu: "Uşaqlıq arzum idi"

Azərbaycanlı dünya çempionu: "Uşaqlıq arzum idi"

Fərdi
Azərbaycanın MMA döyüşçüsü Almaniyada növbəti qələbə qazanıb

Azərbaycanın MMA döyüşçüsü Almaniyada növbəti qələbə qazanıb