Tanınmış məşqçi xərçəng xəstəliyinə tutulub: “Ən yaxşı halda bir il vaxt qalıb”

İngiltərə millisinin sabiq baş məşqçisi Sven-Yoran Eriksson xərçəng xəstəliyinə tutulub.

“Report” xəbər verir ki, bunu 75 yaşlı isveçli mütəxəssis açıqlayıb.

O bildirib ki, qaçış zamanı huşunu itirdikdən sonra aparıldığı xəstəxanada bu barədə məlumatlandırılıb. Eriksson bunun sağalmaz xəstəlik olduğunu bildirib: “Bilirəm ki, ən yaxşı halda bir il, ən pis halda isə daha az vaxtım qalıb. Ancaq bacardıqca bununla mübarizə aparmalıyam”.

Qeyd edək ki, 1977-2019-cu illərdə məşqçiliklə məşğul olan Sven-Yoran Eriksson 2001-2006-cı illərdə İngiltərə yığmasını çalışdırıb.