Türkiyədə futbolçuları daşıyan mikroavtobus aşıb
https://mail.qalaba.az//uploads/photo/turkiyede-futbolchulari-dashiyan-mikroavtobus-ashib.webp
Türkiyənin I Liqasında mübarizə aparan "Denizlispor" komandasının üzvlərini daşıyan mikroavtobus aşıb.
"Report"un "NTV Spor"a istinadən məlumatına görə, hadisə klubun səfərdə "Boluspor"a 0:3 hesabı ilə uduzduğu oyundan qayıdarkən baş verib.
Qəza nəticəsində 6 nəfər müxtəlif dərəcəli bədən xəsarətləri alıb. Dərhal xəstəxanaya çatdırılan komanda üzvlərinin həyati təhlükəsinin olmadığı bildirilib.
Qeyd edək ki, "Denizlispor" 9 oyundan sonra 2 xalla turnir cədvəlinin sonuncu pilləsində qərarlaşıb.
