Ukraynalı olimpiya çempionu diskvalifikasiya edilib
https://mail.qalaba.az//uploads/photo/ukraynali-olimpiya-chempionu-diskvalifikasiya-edilib.webp
Ukraynalı biatlonçu, olimpiya çempionu Vita Semerenko 2025-ci ilə qədər diskvalifikasiya edilib.
"Report" Ukrayna Milli Antidopinq Mərkəzinin mətbuat xidmətinə istinadən xəbər verir ki, buna idmançının antidopinq qaydalarını pozması səbəb olub.
O, mövsüm ərzində üç dopinq testini buraxdığına görə cəzalandırılıb.
Qeyd edək ki, V.Semerenko 2014-cü ildə Soçidə keçirilən Qış Olimpiya Oyunlarında estafet yarışında qızıl, sprintdə isə bürünc medal qazanıb. O, Ukrayna millisində çıxışını 3 il əvvəl başa vursa da, ölkə daxilində keçirilən çempionatlarda iştirak edir.
