"Qarabağ"ın oyununda azarkeşlərin iştirakı ilə sükut olub
https://mail.qalaba.az//uploads/photo/qarabagin-oyununda-azarkeshlerin-ishtiraki-ile-sukut-olub.webp
Bakıda "Qarabağ" və Fransanın "Nant" komandalarının arasında keçirilən UEFA Avropa Liqasının qrup mərhələsinin II tur oyununda azarkeşlərin iştirakı ilə sükut olub.
"Report"un məlumatına görə, Tofiq Bəhramov adına Respublika stadionunda fanatlar qarşılaşma başlamamışdan əvvəl Ermənistanla sərhəddə hərbi əməliyyatlar zamanı şəhid olan Azərbaycan hərbçilərinin xatirəsini yad ediblər.
"İmarət" azarkeş qrupunun üzvləri "Qəhrəmanlar can verir yurdu yaşatmaq üçün. İgid əsgər, möhkəm dayan" pankartı açıblar.
Sükut müddətində referi və püşkə əsasən oyuna birinci başlamalı olan "Nant"ın futbolçuları heç bir addım atmayıblar. Yalnız sükut bitdikdən sonra baş hakim fit çalıb və qonaq komanda oyuna başlayıb.
"Köhlən atlar" daha əvvəl bu təşəbbüslə UEFA-ya müraciət etsə də, rədd cavabı alıb.
